Off Topic: Hindi na bago

Yung mga ganitong eksena? Hindi na ito bago;
Yung paakyat ka ng hagdan at madaming pababa na patakbo;
Yung madalas pang masagi pero dire-diretso lang ako;
Eh pano pag tumigil naman ako hindi ko mararating ang pupuntahan ko.

Yung mga ganitong eksena? Hindi na ito bago;
Ilan na ba ang nagbagal ng lakad sa unahan kahit nagmamadali ako;
Hindi nila alam yon pero sa akin malaking kaso;
At doon ko natutunan na habaan pa ang pasensya ko.

Yung mga ganitong eksena? Hindi na ito bago.
Pero ang nakakatawa hindi ko masabing nagsasawa na ako;
Hindi ko nga rin alam kung bakit ako ganito;
Pero pag inayawan ko walang mangyayare sa buhay ko.

Yung mga ganitong eksena? Hindi na ito bago.
Tuwing umaga eto ang POV ko.
At magta-type ako ng naglalakad kahit malamigan pa ang kamay ko,
Hanggang sa eto, nasa gate na 'ko para sa trabaho.

Good morning! :*